നീ പ്രാർത്ഥിച്ചിടുക - റമളാൻ മുബാറക്

ഓ ഹൃദയമേ,

ഇന്നലെകളുടെ ഇമ്പമാർന്ന 

തിന്മകളുടെ തീകനലുകൾ

നിന്നെ വല്ലാതെ അലട്ടുന്നുവോ ?

വാക്കുകളിലും പ്രവർത്തികളിലും

കൂടെ കൂടിയ അപരാധങ്ങളെല്ലാം

നിന്നിൽ കണ്ണുനീർ ബാഷ്‌പമായി തുടരുന്നുവോ ?

ഇരുട്ടിന്റെ രാത്രിയിൽ

അനുഗ്രഹത്തിൻ നിലാവായി 

പുഞ്ചിരി തൂകി നിൽക്കുന്ന 

റമളാനിൻ ചന്ദ്രികാവസന്തത്തെ 

നീ കണ്ടില്ലേ?

കാരുണ്യത്തിന്‍ ദിനരാത്രങ്ങളല്ലേ

ഇനി നിന്റെ കൂടെ ?

ഓ ഹൃദയമേ,

നീ പ്രാർത്ഥിച്ചിടുക,

ഓരോ ഹൃദയമിടിപ്പും 

എത്തി ചേർന്നിടാൻ

നാഥന്റെ മാസത്തിലും

നന്മയുടെ പ്രവാചകതീരത്തും.