നിമിഷങ്ങൾ!

ഒരു ദിനത്തിൻ തുടക്കം

പ്രകാശത്തിൻ പ്രഭയിലൂടെ

നടന്നു നീങ്ങുമ്പോൾ വഴിനീളെ

കുരുന്നു കിളികൾ മധുരമേറും

പാട്ടുകൾ പാടി സ്വാഗതമരുളി,

കുഞ്ഞു നാദമായിട്ടും ആനന്ദത്തിൻ 

വീണകൾ വിദൂരതയിലേക്ക് അടുത്തിയിരുന്നു

മൗനിയായി ആലോചനാ നിമിഷത്തിൽ

നിന്നെ ഓർത്തിരുന്ന ഓർമ്മകൾ

സന്തോഷമായി പുൽകിടും മുഹൂർത്തങ്ങളായിരുന്നു.

സ്നേഹത്തിൻ ആശ്ലേഷണം

അനുരാഗത്തിൻ ധന്യതയെ ഭംഗിയിലെത്തിച്ചിരുന്നു.

അറിയാതെ വഴിയെ ചുറ്റുമ്പോൾ

സുന്ദരമായ ദിനങ്ങളിൽ ഇനിയും

കിരണങ്ങൾ വിതറുവാൻ വിട ചൊല്ലി.

ഹൃദയ കവാടത്തില്‍

സായം സന്ധ്യയിൽ

മേഘകൂട്ടങ്ങൾ കറുത്തിരുന്നത്

തണുത്ത ഇളംതെന്നലിൻ വഴികൾക്ക് വേണ്ടിയായിരുന്നു.

നേരം തുടക്കം കുറിച്ചത്

നിലാവിൻ താരാട്ട് പാട്ട് കേൾക്കുവാനായിരുന്നു.

ദൂരേക്ക് ചിറകടിച്ച് പറന്നു അകലുന്ന പക്ഷിക്കൂട്ടം

എന്നോട് പുഞ്ചിരി തൂകിയത് പ്രതീക്ഷകൾക്കായിരുന്നു.

യാത്രകൾ വിവരിക്കുന്ന പുസ്‌തകത്താളുകളിൽ നിന്ന്

മനം അനന്തതയുടെ ചക്രവാളങ്ങളിലേക്ക് അകന്നിരുന്നു.

നിറചിരിയിൽ കൊച്ചു കുശലങ്ങൾ പറയുന്ന കുഞ്ഞു പൂമൊട്ടിൻ

നിഷ്‌കളങ്കതയിലേക്ക് ഞാനോന്ന് തിരിച്ചു നടന്നിരുന്നു.

അണയാത്ത പ്രണയത്തിൻ നൊമ്പരങ്ങളുടെ കണങ്ങൾ

മദീനയുടെ വഴിത്താരകൾ പിന്നിട്ടിരുന്നു.

നേരം തീർത്ത മഴകൂടുകൾ ഉറവകളായി

നേർത്ത സുഗന്ധം പരത്തികൊണ്ടിരുന്നു.