നാഥാ, പ്രണയവേദന ഒഴുക്കുന്ന എന്നിൽ
വെളിച്ചത്തിൻ രശ്മികളാൽ
നിൻ സ്നേഹത്തിൻ ഉത്തരം എന്നിൽ
ആലംബമേകി ആസ്വദിക്കട്ടെ...
നാഥ, അപ്രതീക്ഷിതങ്ങൾ നിറഞ്ഞ എന്നിൽ
നേരിൻ വഴികളാൽ
നിൻ മാർഗദർശനത്തിൻ തിരിനാളം എന്നിൽ
വിജയമേകി നയിക്കട്ടെ...
നാഥാ, സൗഹൃദം നില നിൽക്കും എന്നിൽ
ക്ഷമയുടെ കാത്തിരിപ്പുകളാൽ
നിൻ കാരുണ്യത്തിൻ നിമിഷം എന്നിൽ
കൂട്ടമേകി പങ്കിടട്ടെ...
നാഥാ, അക്ഷരങ്ങൾ നിവർത്തിയ എന്നിൽ
ആത്മാവിൻ ആനന്ദത്താൽ
നിൻ അനുരാഗത്തിൻ മഷി വിളക്കുകൾ എന്നിൽ
വർണ്ണമേകി സുന്ദരമാകട്ടെ..
നാഥാ, പാപങ്ങൾ കളിക്കുന്ന എന്നിൽ
പശ്ചാത്താപത്തിൻ താപത്താൽ
നിൻ ഔദാര്യത്തിന് സാഗരം എന്നിൽ
കുളിരേകി വർഷിക്കട്ടെ...
നാഥാ, മദീനയുടെ നാമം എന്നിൽ
പ്രേമത്തിൻ മുത്തുകളാൽ
നിൻ അനുഗ്രഹത്തിൻ താക്കോൽ എന്നിൽ
രക്ഷയേകി തണലേക്കട്ടെ...
നാഥാ, നിന്നിലെ സ്നേഹത്തിൻ
കാവ്യ സ്വരങ്ങൾ
അഴകേറും നന്മ ചൊരിയുന്നവരിലും
അകലെയായി ഇരുട്ടില് കേഴുന്നവരിലും
എന്നും നില നിര്ത്തട്ടെ...
രക്ഷയേകി തണലേക്കട്ടെ...
നാഥാ, നിന്നിലെ സ്നേഹത്തിൻ
കാവ്യ സ്വരങ്ങൾ
അഴകേറും നന്മ ചൊരിയുന്നവരിലും
അകലെയായി ഇരുട്ടില് കേഴുന്നവരിലും
എന്നും നില നിര്ത്തട്ടെ...