Showing posts with label malayalam. Show all posts
Showing posts with label malayalam. Show all posts

Friday, July 20, 2012

നീ പ്രാർത്ഥിച്ചിടുക - റമളാൻ മുബാറക്



ഓ ഹൃദയമേ,
ഇന്നലെകളുടെ ഇമ്പമാർന്ന 
തിന്മകളുടെ തീകനലുകൾ
നിന്നെ വല്ലാതെ അലട്ടുന്നുവോ ?
വാക്കുകളിലും പ്രവർത്തികളിലും
കൂടെ കൂടിയ അപരാധങ്ങളെല്ലാം
നിന്നിൽ കണ്ണുനീർ ബാഷ്‌പമായി തുടരുന്നുവോ ?
ഇരുട്ടിന്റെ രാത്രിയിൽ
അനുഗ്രഹത്തിൻ നിലാവായി 
പുഞ്ചിരി തൂകി നിൽക്കുന്ന 
റമളാനിൻ ചന്ദ്രികാവസന്തത്തെ 
നീ കണ്ടില്ലേ?
കാരുണ്യത്തിന്‍ ദിനരാത്രങ്ങളല്ലേ
ഇനി നിന്റെ കൂടെ ?

ഓ ഹൃദയമേ,
നീ പ്രാർത്ഥിച്ചിടുക,
ഓരോ ഹൃദയമിടിപ്പും 
എത്തി ചേർന്നിടാൻ
നാഥന്റെ മാസത്തിലും
നന്മയുടെ പ്രവാചകതീരത്തും.

Monday, December 12, 2011

നീ തന്നെ ഞാൻ





ഹേ ആത്മാവേ,
നിന്നെ തേടി  അലയാത്ത ദിനങ്ങൾ
എന്നിൽ ചുരുക്കം മാത്രമായിരുന്നു.
നീ ഒളിച്ചിരിക്കുന്നുണ്ടോ എന്നറിയാൻ
എവിടെങ്ങളിലൊക്കെ എത്ര സഞ്ചരിച്ചു
എന്നിട്ടും നീ  എനിക്ക്  അതീതമായി നിന്നു.

മരണത്തിനു മുമ്പേ ശവമഞ്ചമായി
അകലങ്ങളിൽ കിടന്നുറങ്ങുകയായിരുന്നോ നീ?
പ്രണയത്തിൻ സുഗന്ധം കുളിരേകിടും
ഇളംതെന്നൽ പോലും നിന്നിലേക്ക് വീശിയില്ലേ?

മഴവില്ലിൻ സൗന്ദര്യം ഉന്നതങ്ങളിൽ വിവരിക്കും
നിന്റെ മാധുര്യമേറിയ  ശബ്‌ദം കേൾക്കുവാൻ
വാക്കുകൾ  അത്രയും  മൗന രാഗത്തിലായി
നിന്നെ കുറിച്ച് പറയുകയായിരുന്നു ,

നീ ഇല്ലാത്ത  നിശ്ശൂന്യമായ അക്ഷരങ്ങളിൽ
നിന്നെ ഞാൻ അങ്ങനെ തിരഞ്ഞു കണ്ടെത്തും ?
സ്വപ്‌നങ്ങൾക്ക് വേണ്ടി ഉറക്കമൊഴിയാതെ കാത്തിരിന്നിടും
നിൻ പ്രതിരൂപം പോലും ഇരുട്ടിൽ വെളിച്ചമേകിയിലല്ലോ?


നീ എന്നിൽ സ്വത്വബോധമായി വന്നു ചേർന്നിരുന്നെകിൽ
എന്നിലെ പ്രണയത്തിൻ നേർത്ത വർണ്ണങ്ങൾ
വിടർത്തുന്ന പൂന്തോപ്പിൽ വസന്തമേകുന്ന കാവലാക്കി.
എൻ പ്രണയഭാജനത്തിൻ അരികെയിലേക്ക്
അനുരാഗത്തിൻ ചൂണ്ടുകൾ മന്ത്രിച്ച് മണൽതരികളിലൂടെ
കണ്ണുനീർ ചാലിച്ച് യാത്ര തുടരാം.....

Tuesday, February 15, 2011

സ്വലാത്ത്


സ്നേഹത്തിന്‍
അനുഗ്രഹം നീ
അനുഭവിച്ചിട്ടുണ്ടോ?

നിന്‍ ചുണ്ടുകള്‍
മൊഴിഞ്ഞ വാക്കുകള്‍
കുളിര്‍ക്കാറ്റായി
ഹിജാസിന്റെ
വഴികളെ തേടിട്ടുണ്ടോ?

നീ
നബി(സ)യുടെ മേല്‍
സ്വലാത്ത് വര്‍ദ്ധിപ്പിക്കൂ...


സല്ലല്ലാഹു അലാ മുഹമ്മദ്‌
സല്ല്ലല്ലാഹു അലൈഹി വസല്ലം

Sunday, October 31, 2010

സ്വലാത്തിന്‍ നാദം.


എന്‍ ചുണ്ടുകളില്‍‍

സ്വലാത്തിന്‍

അനുഗ്രഹം,

എന്‍ മനതാരില്‍

സ്വലാത്തിന്‍

അഭിമാനം,

ദൈവം,എന്നെ

ലുബ്ദ്നാക്കിയില്ല.*

എന്‍ സന്തോഷത്തിന്‍

ചിറകുകള്

‍മദീനയെ

തേടുകയാണ്‌.

കസ്തൂരിസുഗന്ധമുള്ള

ഇളംകാറ്റിന്‍

തലോടല്‍

ആഗ്രഹിക്കുകയാണ്‌.

അശ്രുകണങ്ങള്‍

എന്നെ

അനുരാഗത്തില്‍

ലയിപ്പിക്കുകയാണ്‌.

എന്‍ ഹൃത്തിന്

സമാധാനം.

പാപമേറിയ മനമിനു

ആശ്വാസമേ

സ്വലാത്തിന്‍ നാദം.

*നബി (സ)യുടെമേല്‍ സ്വലാത്തു ചൊല്ലാത്തവന്‍ പിശുകനാണ്‌

Friday, October 15, 2010

മനസ്സിലെ മദീന


ഹിജാസ്സിനു കുളിര്‍ക്കാറ്റ്‌,
തലോടുകയാണ്‌.
കസ്തുരിക്കപ്പുറത്തെ സുഗന്ധം,
അനൂഭൂതി തീര്‍ക്കുകയാണ്‌.
പൂര്‍ണ്ണചന്ദ്രനേക്കാള്‍ പ്രകാശം,
മനതാരില്‍ വെളിചം,
പകരുകയാണ്‌.
ഓരോ മണല്‍തരികളും ,
നക്ഷത്രത്തേക്കാള്‍ തിളക്കം.
ഓരോ സ്പന്ദനവും,
എന്തോ,
ഒന്ന് വിളിചു പറയുന്നു.
പര്‍വ്വതനിരകള്‍ അല്‍ഭുതങ്ങള്‍,
ഒന്നു ഒന്നായി വിവരിക്കുന്നു.
ഇനിയും പറഞ്ഞു തീരാത്ത,
അവസാനിക്കാത്ത വിശേഷങ്ങള്‍,
മനസ്സേ,
നിന്‍ സനേഹം,
അവിടുത്തെ
രാജകുമാരനോടാന്നെങ്കില്‍നീയത്ര
ഭാഗ്യവാന്‍..
മനസ്സേ,
നീ മടങ്ങൂ മദീനയിലേക്ക്‌..

Wednesday, October 13, 2010

യാ റസൂല്‍


നബിയേ, അങ്ങയേ പ്രണയിക്കാന്‍,
അങ്ങയില്‍ അനുരക്തനാക്കാന്
‍എന്‍ ഹൃദയം വെമ്പല്‍ കൊള്ളുകയാണ്‌.
സല്ലല്ലാഹു അലാ മുഹമ്മദ്‌
സല്ല്ലല്ലാഹു അലൈഹി വസല്ലം

നബിയേ, അങ്ങയേ കുറിചുള്ള ഓരോ പ്രകീര്‍ത്തനങ്ങളും
എന്‍ മനതാരില്‍ ആനന്ദസാഗരത്തിന്‍
തിരമാലകള്‍ തലോടുകയാണ്‌.
സല്ലല്ലാഹു അലാ മുഹമ്മദ്‌
സല്ല്ലല്ലാഹു അലൈഹി വസല്ലം

നബിയേ, അങ്ങയേ കുറിചുള്ള ഓരോ നിമിഷങ്ങളും
അനുഭൂതികള്‍ നിറഞ്ഞ സ്വര്‍ഗ്ഗമാണ്‌
സമ്മാനിക്കുന്നത്‌.
സല്ലല്ലാഹു അലാ മുഹമ്മദ്‌
സല്ല്ലല്ലാഹു അലൈഹി വസല്ലം

നബിയേ, അങ്ങയേ കുറിചുള്ള ഓരോ കണ്ണുനീരും
എത്ര പാപങ്ങളാണ്‌ ശുദ്ധികരിക്കുന്നത്‌.
ആ കണ്ണുനീര്‍ എത്ര പരിശുദ്ധം! എത്ര പവിത്രം!
സല്ലല്ലാഹു അലാ മുഹമ്മദ്‌
സല്ല്ലല്ലാഹു അലൈഹി വസല്ലം

നബിയേ, അങ്ങേക്കു വേണ്ടി ത്യജിചവര്
‍എത്ര സൗഭാഗ്യമാര്‍,
അവരല്ലേ, ഈ പ്രപഞ്ചത്തിലെ താരകങ്ങള്‍.
സല്ലല്ലാഹു അലാ മുഹമ്മദ്‌
സല്ല്ലല്ലാഹു അലൈഹി വസല്ലം

നബിയേ, അമ്പിളിതിങ്കള്‍ നിലാവിന്റെ ദര്‍ശനം നേടിയവര്
‍അവരല്ലേ, ആ പുണ്യമായ നേത്രങ്ങള്‍ക്കു ഉടമ
സല്ലല്ലാഹു അലാ മുഹമ്മദ്‌
സല്ല്ലല്ലാഹു അലൈഹി വസല്ലം

നബിയേ, അങ്ങയുടെ കാല്‍പാദങ്ങളുടെ സപര്‍ശനമേറ്റ,
നക്ഷത്ര തിളക്കമുള്ള മദീനാ മണല്‍തരികള്‍,
അവിടെ ഒന്ന് എത്തിചേരുവാന്‍...
സല്ലല്ലാഹു അലാ മുഹമ്മദ്‌
സല്ല്ലല്ലാഹു അലൈഹി വസല്ലം

നബിയേ, അങ്ങയേ പ്രണയിക്കാന്‍,
അങ്ങയില്‍ അനുരക്തനാക്കാന്
‍എന്‍ ഹൃദയം വെമ്പല്‍ കൊള്ളുകയാണ്‌
സല്ലല്ലാഹു അലാ മുഹമ്മദ്‌
സല്ല്ലല്ലാഹു അലൈഹി വസല്ലം