| foto by : നൗഷാദ് അകമ്പാടം |
വന്ന വഴികളിലെ തടസങ്ങളെല്ലാം
മാറ്റിയിട്ടും
നേർപാതയുടെ നന്മ എവിടെയും
കാണാൻ കഴിഞ്ഞില്ല.
കഥകൾ പറഞ്ഞു കൊടുക്കുവാൻ
കൂടെ കുറെ ആട്ടിൻകൂട്ടങ്ങൾ.
രാവിന്റെ ഇരുട്ട് പകൽ അന്തിയോളം
നിലനിൽക്കുന്നു.
ഏകനായി ദൂരെ വെളിച്ചം വീശാത്ത
മലമടക്കുകൾക്കിടയിൽ
ചിരാത് കണ്ണ് തുറക്കുപ്പോൾ
ദീപ നാളങ്ങൾ തെളിയുന്നത് കാത്ത്
ഒരു വിളിനാളം കേൾക്കാൻ.
കാലത്തിൻ ഉത്തരമായി
"വായിക്കുക, ദൈവനാമത്തിൽ"
എത്തിക്കപ്പെട്ടപ്പോൾ
നിയോഗത്തിന്റെ നിർണ്ണയം,
മാറ്റത്തിൻ പുതപ്പ് അണിഞ്ഞു.